ពិធីឧទ្ទិសដល់«លិង្គ និងយោនី»ប្រារព្ធធ្វើនៅជប៉ុននារដូវផ្ការីក
វាហាក់ដូចជាមានរយៈពេលកន្លងផុតទៅជាង ១៥០០ ឆ្នាំហើយ ដែលជប៉ុនបានងាកទៅចាប់អារម្មណ៍ក្នុងពីធីមួយនៃវិស័យកសិកម្មនាអតីតកាលរបស់ខ្លួន។
នៅលើពិភពលោកនេះ ពិធីនៃវប្បធម៌បរមបុរាណ ដូចជាការប្រតិបត្តិតាមបញ្ញតិ្តសាសនា ត្រូវបានគេជឿថា ទទួលបានជោគជ័យលើការប្រមូលផលកសិកម្ម និងមានកូនច្រើនជាដើម។
ពិធីមួយមានលក្ខណៈហាក់ដូចជាបានបញ្ជោះបន្សោកដល់ប្រទេសជប៉ុនដែរ ខណៈប្រទេសនេះបានខិតខំប្រារព្ធប្រចាំឆ្នាំនូវពិធីឧទ្ទិសដល់ «លិង្គ និងយោនី នោះ។ តែបច្ចុប្បន្នជប៉ុនកំពុងមានអត្រាកំណើតទាបជាងគេបំផុតលើលោក។
រដ្ឋាភិបាលជប៉ុនសង្ឃឹមថា គោលនយោបាយងាយៗ ដែលផ្តល់កញ្ចប់ថវិកាសម្រាប់យុទ្ធនាការជួយចិញ្ចឹមក្មេងៗ និងលើកទឹកចិត្តគ្រួសារមានកូនច្រើនដោយឧបត្ថម្ភលុយ២៨០ដុល្លារ អាមេរិកក្នុងមួយខែ នឹងជួយឲ្យជប៉ុនសម្រេចគោលដៅខ្លួន។
គេសង្កេតឃើញមានទីកន្លែងប្រារព្ធពិធីឧទ្ទិសដល់«លិង្គ និងយោនី» នេះមួយចំនួនដែរនៅក្នុងប្រទេសជប៉ុន តែភាគច្រើនគេឃើញធ្វើនៅរៀងរាល់ឆ្នាំចំថ្ងៃទី១៥ ខែមីនា នៅកន្លែងមួយឈ្មោះថា«បូជនីយដ្ឋានតាហ្គា» នៃទីក្រុងកូម៉ាគី។
ពេលខ្លះគេឃើញពិធីខាងលើ ត្រូវប្រជាពលរដ្ឋភូមិក្បែរនោះប្រារព្ធវាមុនចំនួនពីរ ឬបីថ្ងៃផងដែរ។
ពិធីឧទ្ទិសដល់«លិង្គ និងយោនី» នេះមានអ្នកចូលរួមចំនួន១០ម៉ឺននាក់ឯណោះ ហើយកម្មវិធីដង្ហែលិង្គសិប្បនិម្មិតដែលមានប្រវែងជិត៤ម៉ែត្រ រយៈពេល៩០នាទី។ អ្វីដែលគេកត់សម្គាល់គឺក្រុមបុរសដែលកាន់លិង្គដ៏ធំមហិមានោះបាន បង្វិលវាជុំវិញដងវិថីនានា ដើម្បីជាការអបអរសាទរ។
លើសពីនោះទៅទៀត គេឃើញមានការដាក់លក់នូវអាហារ និងវត្ថុអនុស្សាវរីយ៍នានាជារូបរាងលិង្គឲ្យព្រោងព្រាតតែម្តង។ ផលិតផល និងអាហារនោះមានដូចជា ស្ករគ្រាប់ធ្វើជារូបរាងលិង្គ និងយោនី សូកូឡា រាងជាផ្លែចេកជាដើម។ មិនតែប៉ុណ្ណោះគេឃើញមានរូបសំណាកទៀន ឈើធ្វើជារូបរាងលិង្គ និងគ្រឿងអលង្ការ ចិញ្ចៀនធ្វើជារូបរាងលិង្គនោះក៏មានប្រជាប្រិយបំផុតនាឱកាស ប្រារព្ធពិធីនេះ។
ដោយឡែកបញ្ហារួមភេទនៅប្រទេសជប៉ុន ក៏មានលក្ខណៈពិសេសផ្សេងគ្នា ទៅតាមរដូវកាល និងស្ថានភាពផងដែរ។
យ៉ាងណាមិញវាជាទង្វើខុសច្បាប់សម្រាប់ការផលិតឧបករណ៍ជំនួយផ្លូវ ភេទគឺលិង្គសិប្បនិម្មិតមានម៉ូទ័រ(vibrators) ជាដើម៕
– ប្រភព ភ្នំពេញប៉ុស្តិ៍
ស្តាប់និងទាញយកបទចំរៀង
- មួយកំហុស បានកើតមាន, បំរែបំរួល អាចខូច។ ព្យាយាមឡើងវិញ ពេលក្រោយ។
ទំព័រស្វែងរកមិត្ត
- មួយកំហុស បានកើតមាន, បំរែបំរួល អាចខូច។ ព្យាយាមឡើងវិញ ពេលក្រោយ។
- ទស្សនា LOYMEN ក្នុង
LOYMEN 