ដើមខែកុម្ភៈ តារាពីរដួងរងគ្រោះដោយវីដេអូសិច
បន្ទាប់ពីមានគេហទំព័រសារព័ត៌មានក្នុងស្រុកមួយ បានចុះផ្សាយពីការសង្ស័យលើកញ្ញា មាស សម្ផស្ស ថាបានថតវីដេអូសិច ដោយមានបង្ហាញរូបភាពឈុតក្ដៅសាច់នៅលើគ្រែផងនោះ មិនបានប៉ុន្មានថ្ងៃផងក៏មានលេច ធ្លាយរឿងអាស្រូវស្រដៀងគ្នានេះចំពោះ អ្នកនាង ស្រីម៉ុច ដែលជាតារាសម្ដែងម្នាក់ទៀត។ ប៉ុន្តែ អ្នកសិល្បៈ និង អ្នកជំនាញខាងបច្ចេកវិទ្យា សុទ្ធតែអះអាងថា រូបភាពវីដេអូឃ្លិបទាំងនេះ ជារូបកាត់ត។
ចំពោះរឿងអកុសលដែលកើតឡើងចំពោះ កញ្ញា មាស សម្ផស្ស នាងធ្លាប់ស្បថនឹង Sabay នាងមិនធ្លាប់មានរូបអាសអាភាសបែបនេះទេ។ នាងនិយាយដូច្នេះថា “ខ្ញុំហ៊ានស្បថបង! ខ្ញុំមិនធ្វើរឿងថោកទាបដូចនោះទេ ខ្ញុំជាកូនខ្មែរ ខ្ញុំជាស្រីខ្មែរ ខ្ញុំស្គាល់ខ្លួនឯងច្បាស់ណាស់ ខ្ញុំយល់ថាការចុះផ្សាយបែបនេះ គឺជាចេតនាបង្កាច់បង្ខូចមកលើរូបខ្ញុំហើយ ខ្ញុំនិងប្ដឹង ប្រសិនបើមានរឿងបង្កាច់បង្ខូចដូចនោះមែន”។
ដោយឡែក តារាសម្ដែង ស្រីម៉ុច ដែលកំពុងរងព្យុះភ្លៀងដោយឃ្លិបវីដេអូស៊ិចដែរនោះ ពុំអាចសុំធ្វើការអត្ថាធិប្បាយជុំវិញរឿងនេះបានឡើយ ដោយទូរស័ព្ទចូលហើយតែគ្មានអ្នកទទួល។ សារព័ត៌មានតាមប្រព័ន្ធអ៊ីធឺណែតមួយបានបញ្ជាក់ថា វីដេអូសិចនោះមានរយៈពេល ៤នាទី និងមានទំហំ ១៤ MB ហើយបានដាក់ចំណងជើងស្រដៀងរឿងអាស្រូវរបស់កញ្ញា មាស សម្ផស្ស ដែរថា “វីដេអូស៊ិច របស់ស្រី ម៉ុចមែនទេ?”។ ឆ្លើយតបទៅនឹងព័ត៌មានអកុសលនេះ តារាសម្ដែង មាស សម្ផស្ស បានច្រានចោល និងបានប្រតិកម្មខ្លាំងៗចំពោះព័ត៌មាននេះ។
មិត្តរួមអាជីព និងជាប្រធានសមាគមសិល្បករខ្មែរ លោក សុះ ម៉ាច អះអាងរឿងនេះជារឿងប្រឌិត។ លោកពន្យល់ថា ក្នុងនាមជាស្ត្រីខ្មែរទាំងអស់មិនចំពោះតែកញ្ញា មាស សម្ផស្ស ឬក៏អ្នកនាង ស្រី ម៉ុច ទេទោះជាគាត់ក្លាយទៅជាមនុស្សយ៉ាងម៉េចក៏ដោយក៏គាត់មិនអាចធ្វើរឿងបែបនោះដែរ ហើយក៏គាត់មិនបំផ្លាញកិត្តិយសគាត់ដែរ។
ពាក់ព័ន្ធការចុះផ្សាយ វីដេអូឃ្លិប តាមបណ្ដាញសារអេឡិកត្រូនិកនេះ ប្រធានសមាគមរូបនេះ ថាពុំគួរផ្សព្វផ្សាយទេ ទោះជាពិតឬមិនពិតក៏ដោយ។ “មិនថារឿងនេះពិតក៏ដោយមិនពិតក៏ដោយគឺមិនត្រូវចុះផ្សាយបែបនេះទេ ព្រោះការចុះផ្សាយរឿងបែបនេះ អាចប៉ះពាល់ដល់កិត្តិយសសិល្បការិនីខ្មែរយើង”។
ក្នុងនាមលោកប្រធានសមាគមសិល្បករខ្មែរ បានអំពាវនាវដល់អ្នកដែលចេះតែយកវីដេអូរឿងអាស្រូវរបស់សិល្បករខ្មែរយកមកកាត់តដាក់ឲ្យគេមើលឃើញជាសាធារណៈសូមឲ្យគិតពីកិត្តិយស និងសេចក្ដីថ្លៃថ្នូររបស់នារីខ្មែរ។ លោកបានដាក់សំណួរមួយសួរទៅអ្នកដែលចេះតែចុះផ្សាយរឿងគេនោះថា “ប្រសិនជាប្អូនស្រី ឬបងស្រីអ្នកនោះមានគេយករូបភាពបែបអីចឹងមកចុះផ្សាយវិញ តើអ្នកមានអារម្មណ៍ឈឺចាប់ ឬខឹងគេអត់ទេ? សូមឲ្យអ្នកដែលយករឿងគេមកផ្សាយអីចឹងគួរតែពិនិត្យ ឬពិចារណាពីរឿងនេះឡើងវិញ”។ ជាវិធានការរបស់លោក លោកបញ្ជាក់ថា “ខ្ញុំនឹងធ្វើលិខិតមួយច្បាប់ដើម្បីសុំអន្តរាគមន៍រឿងនេះទៅក្រសួងមហាផ្ទៃ និងជម្រាបព័ត៌មានទៅសមត្ថកិច្ចដើម្បីឲ្យគាត់ជួយស្រាវជ្រាវរកជនដែលផ្សព្វផ្សាយរូបភាពអាស្រូវទាំងអស់នោះដើម្បីរកយុត្តិធម៌ដល់សិល្បការិនីខ្មែរយើង”។
មិនថា តែលោក សុះ ម៉ាច ដែលជាអ្នកសិល្បៈដូចគ្នាចាត់ទុកថា វីដេអូឃ្លិបទាំងនេះ ជាការកាត់ត ក្លែងក្លាយធ្វើឲ្យប៉ះពាល់សេចក្ដីថ្លៃថ្លូរបស់តារានោះទេ អ្នកជំនាញខាងបច្ចេកវិទ្យា ក៏ចាត់ទុកថា រូបភាពវីដេអូឃ្លិបសិចរបស់តារាទាំងពីរដួងនេះ គឺជារូបភាពកាត់តដែរ៕
– ប្រភព Sabay
កញ្ញាមាស សម្ជស្ស ថាខ្ញុំស្រីខ្មែរខ្ញុំមិនធ្វើអ៊ីចឹងទេ បើខ្ញុំធ្វើក៏ខ្ញុំមកថតដែរ តែថា ពីក្បាលដល់ចុងជើងគាត់ស្គាល់ទាំងអស់ ហាហាហា
បែបសិល្បៈ ស្រើបស្រាលទេដឹង?.. តិចទៀត អាតា Playboy មកស្រុកខ្មែរហើយ ព្រោះកំពុងតែសំលឹងមើលស្រីៗ ស្រុកខ្មែរមិនដាក់ភ្លែក!