ឆ័យលី ដាឡែន មកដល់ភ្លាមប្រតិកម្មភ្លែត
បន្ទាប់ពីទៅសម្ដែងលើទឹកដីអាមេរិកជាងបីខែមក ឆ័យលី ដាឡែន បានវិលមកដល់ប្រទេសកម្ពុជាវិញហើយកាលពីយប់ថ្ងៃទី២៦ កុម្ភៈ ២០១២ ពោលគឺមកស្ងាត់ៗ ដោយមិនមានអ្នកណាដឹងច្រើននោះទេ។ ជាមួយគ្នានេះដែរនាងក៏បានចេញមុខបកស្រាយតាមរយៈSabay ដោយប្រតិកម្មចំពោះព័ត៌មានមួយចំនួនបានចុះផ្សាយពីរឿងអាស្រូវលើរូបនាង។
តាមពិត ឆ័យលី ដាឡែន ត្រូវមកដល់ប្រទេសកម្ពុជានៅថ្ងៃ២៨ កុម្ភៈ នេះ ប៉ុន្តែនាងបែរជាមកដល់មុនពេលកំណត់ គឺថ្ងៃទី២៦ កុម្ភៈ ដោយមិនមានបណ្ដាញសារព័ត៌មានក្នុងស្រុកណាមួយបានដឹងនោះទេ សូម្បីតែអ្នកសិល្បៈដូចគ្នាក៏ដឹងតិចតួចតែប៉ុណ្ណោះ។ ទាក់ទងទៅនឹងបញ្ហានេះ ដាឡែន បានប្រាប់ថាមូលហេតុដែលនាងមកមុនពេលកំណត់គឺដោយសារតែVisa របស់នាងអស់សុពលភាពដូច្នេះហើយទើបមកមុនពេលកំណត់បែបនេះ។
អំឡុងពេលសម្ដែងនៅលើទឹកដីអាមេរិក ឆ័យលី ដាឡែន បានរងការរិះគន់ជាខ្លាំងជុំវិញការបង្ហាញភាពSexy របស់នាងពីសំណាក់សាធារណជនខ្មែរ។ ជាពិសេសបណ្ដាញសារព័ត៌មានថានាងទៅអាមេរិកវះកាត់កែសុដន់ លែងហ៊ានចូលស្រុក ហើយប្រកាសរកប្ដីនៅទីនោះទៀតផង។
ឆ័យលី ដាឡែន បានបកស្រាយថា បណ្ដាសារព័ត៌មានក្នុងស្រុកខ្លះបានចុះព័ត៌មានមិនពិត គ្មានហេតុផលជាហេតុធ្វើឲ្យប៉ះពាល់ដល់កិត្តិយសរបស់នាង។ “បងឯងគិតមើលប្រសិនណាបើពួកគាត់ជាស្រី ហើយត្រូវបានគេជេរដៀលខ្លាំងបែបហ្នឹង តើពួកគាត់មានអារម្មណ៍ឈឺចាប់បែបណា? គេថាខ្ញុំហ្នឹងទៅអាមេរិកវះកាត់កែសុដន់ លក់សាច់ស្រស់នៅទីនោះ។ ពាក្យថាលក់សាច់ស្រស់នេះអត់ពីរោះទេ ធ្វើឲ្យប៉ះពាល់ដល់កិត្តិយសខ្ញុំយ៉ាងខ្លាំង។ មិនតែប៉ុណ្ណោះគេបានចុះផ្សាយទៀតថា សមាគមនៅអាមេរិកដេញខ្ញុំមកវិញ។ ទាំងអស់នេះជាពាក្យមិនពិតទាំងអស់ ហើយក៏មិនបានចេញពីមាត់ខ្ញុំដែរ គាត់មានសួរហេតុផលពីខ្ញុំទេមុននឹងចុះផ្សាយព័ត៌មានបែបនេះ”។
តារាមានប្រភពមកពីខេត្ត បាត់ដំបងរូបនេះបានទទួលស្គាល់កំហុសរបស់ខ្លួនជុំវិញភាពSexy ដែលធ្វើឲ្យប៉ះពាល់ដល់អារម្មណ៍អ្នកទស្សនាទាំងក្នុង និងក្រៅប្រទេស។ “ខ្ញុំដឹងថា ខ្ញុំពិតជាធ្វើជ្រុលបន្តិចមែនចំពោះបញ្ហានេះ ខ្ញុំសុំទោសដល់ទស្សនិកជន ហើយក្នុងនោះខ្ញុំក៏បានសុំទោសដល់សមាគមផងដែរ។ កត្តាដែលធ្វើឲ្យខ្ញុំបង្ហាញភាពSexy ដោយសារតែខ្ញុំយល់ថា នៅអាមេរិកជាសង្គមស៊ីវិល័យការស្លៀកពាក់Sexy មិនមានបញ្ហាអ្វីនោះទេ។ ម្យ៉ាងចំពោះការនៅពេលច្រៀងក៏មិនមានការផ្សាយផ្ទាល់ដែរ ដូចនេះទើបខ្ញុំបង្ហាញភាពSexy ខ្លះៗ”។
តារារូបនេះបានបន្តទៀតថា នាងនៅតែបន្ត អាជីពជាអ្នកសិល្បៈ គ្មានហេតុផលណាត្រូវឈប់ឡើយ ព្រោះគ្មានធ្វើអ្វីខុសច្បាប់គ្រាន់តែភាពSexyតែប៉ុណ្ណោះ។ នៅថ្ងៃទី៣ មីនា ខាងមុខនេះ ឆ័យលី ដាឡែន នឹងបង្ហាញវត្តមាននៅស្ថានីយទូរទស្សន៍ប៉ុស្ថិ៍លេខ៣ ហើយបន្តទៅទូរទស្សន៍CTN ទៀត ដើម្បីបកស្រាយរឿងរាវកន្លងមកដែលកើតលើនាង។
ដាឡែន ក៏បានបដិសេធន៍ព័ត៌មានទាក់ទងថានាងប្រកាសរកប្ដីនៅអាមេរិកផងដែរ។ “រូបសម្ផស្សខ្ញុំប៉ុណ្ណឹងរកប្ដីខ្លួនឯងមិនបានឬ ចាំបាច់ប្រកាសរកប្ដី។ សិល្បៈត្រូវការក្លែមសម្ដីខ្លះដើម្បីឲ្យទស្សនិកជនចាប់អារម្មណ៍។ បើពួកគាត់ចាំតែចាប់កំហុសបែបនេះ អីចឹងដល់ពេលឡើងច្រៀង ចាំតែចេញហើយនឹងចូលទៅមិនបាច់និយាយអ្វីទាំងអស់”។
ឆ័យលី ដាឡែន បានចេញទៅសម្ដែងនៅអាមេរិកចុងខែ វិច្ឆិកា ហើយបានត្រឡប់មកវិញកាលពីថ្ងៃ២៦ កម្ភៈ។ នាងត្រៀមបង្ហាញវត្តមាននៅតាមកញ្ចក់ទូរទស្សន៍នានាក្នុងរាជធានីភ្នំពេញដើម្បីបកស្រាយជុំវិញភាពSexy របស់នាង ក្នុងពេលសម្ដែងនៅលើទឹកដីអាមេរិក។ រូបភាពបង្ហាញល្វែងមុខរបស់នាងត្រូវគេថតរួចបង្ហោះតាមទំព័រFacebook និងត្រូវបណ្ដាញព័ត៌មានចុះផ្សាយបន្តកន្ទុយគ្នា។ ដោយសារព័ត៌មានខ្លះឆ្លៀតវាយប្រហារ ឯសារព័ត៌មានខ្លះស្វែងរកការបំភ្លឺឲ្យដឹងរឿងរ៉ាវពិតក្នុងអាជីពជាសារព័ត៌មាន៕
– ប្រភព Sabay
ស្តាប់និងទាញយកបទចំរៀង
- មួយកំហុស បានកើតមាន, បំរែបំរួល អាចខូច។ ព្យាយាមឡើងវិញ ពេលក្រោយ។
ទំព័រស្វែងរកមិត្ត
- មួយកំហុស បានកើតមាន, បំរែបំរួល អាចខូច។ ព្យាយាមឡើងវិញ ពេលក្រោយ។
- ទស្សនា LOYMEN ក្នុង
LOYMEN 