ហេតុអ្វី អ្នកសិល្បៈ ចូលចិត្តស្លៀកពាក់ពណ៌ខ្មៅ ក្នុងពិធីជួបជុំ?
បច្ចុប្បន្ន អ្នកសិល្បៈ រាប់ទាំងអ្នកសម្តែង ទាំងអ្នកចម្រៀង និយមចូលចិត្តស្រដៀងៗគ្នា ងាកមកប្រើប្រាស់សម្លៀកបំពាក់ពណ៌ខ្មៅ ទៅចូលរួមគ្រប់កម្មវិធី ។ ការប្រើប្រាស់ពណ៌ខ្មៅ ព្រោះគេគិតថា ពណ៌ខ្មៅជាពណ៌ដែលអាចឆ្លុះសាច់ ឲ្យមើលទៅឃើញសជាងមុន ពិសេសពណ៌ខ្មៅ មិនអាចមើលឃើញពីការឡើងទម្ងន់ ។
លោក ញ៉ែម សុគន្ធ អ្នកសម្តែងភាពយន្តទឹកភ្នែកមិនចេះរីងស្ងួត ក៏បានលើកឡើងថា “ជាទូទៅ ពណ៌ខ្មៅ គេនិយមស្លៀកពាក់ចូលរួមក្នុងកម្មវិធីកាន់ទុក្ខ ដែលជាវប្បធម៌របស់បស្ចិមប្រទេស ។ តែខ្ញុំគិតថា សម័យនេះគេមិនប្រកាន់ទេ ការដែលអ្នកសិល្បៈមួយចំនួននិយមស្លៀកពាក់ខ្មៅ ចូលរួមក្នុងកម្មវិធីផ្សេងៗ គឺមកពីពណ៌ខ្មៅ ជាពណ៌ដែលលើកសាច់ មើលទៅឃើញសិចស៊ី ។ ម្យ៉ាងទៀត គឺជាពណ៌ដែលបិទបាំងរាងកាយ ចំពោះមនុស្សដែលមានមាឌធំ។ និយាយជារួម គឺជាពណ៌ High Class (កាលីបខ្ពស់)”។
ចំណែកពិធីការិនី ថន លក្ខិណា ក៏បានលើកឡើងពីចំណាប់អារម្មណ៍ផ្ទាល់ខ្លួនថា កាលពីមុន គេប្រកាន់ណាស់ ចំពោះការស្លៀកពាក់មិនសមស្របទៅនឹងកម្មវិធី ដូចជា ពិធីមង្គលផ្សេងៗ គេមិនឲ្យអ្នកចូលរួមស្លៀកពាក់ខ្មៅទេ ព្រោះគេគិតថា ពណ៌ខ្មៅជាពណ៌សម្រាប់ចូលរួមក្នុងកម្មវិធីបុណ្យសព។ តែឥឡូវ គេមិនប្រកាន់ទេ ព្រោះសម័យនេះគេហៅថាសម័យ Internet ទៅហើយ ដូចនេះការស្លៀកពាក់ខ្មៅ គឺពេញនិយមណាស់។
កញ្ញា ថន លក្ខិណា បានបញ្ជាក់ថា “សម្លៀកបំពាក់ពណ៌ខ្មៅ ពេលដែលពាក់ទៅ សាច់កាន់តែសជាងមុន និងធ្វើឲ្យកាន់តែសិចស៊ី បើសិនជាយើងស្លៀកពាក់ពណ៌ខ្មៅ ហើយលាបក្រែមពណ៌ក្រហម”។
ពិធីការិនីរូបនេះ បានឲ្យដឹងបន្តថា “ចំពោះខ្ញុំ បើស្លៀកខ្មៅ ខ្ញុំបន្ថែមគ្រឿងអលង្ការ ហើយនិងស្បែកជើងពណ៌ក្រហម វារឹតតែធ្វើឲ្យខ្ញុំលេចធ្លោជាងគេ ក្នុងចំណោមអ្នកដែលស្លៀកពាក់ពណ៌ផ្សេងៗ”។
ជាមួយគ្នានោះ ពិធីករ យឹម ណារ៉ា ក៏មិនខុសពីអ្នកសិល្បៈដទៃទៀតដែរ។ យឹម ណារ៉ា រៀងរាល់កម្មវិធីផ្សេងៗ សម្លៀកបំពាក់តម្រូវតាមគោលការណ៍ក្រុមហ៊ុន តែបន្ទាប់ពីចប់ម៉ោងធ្វើការ ពិធីកររូបនេះតែងតែស្លៀកពាក់ខ្មៅ ស្ទើរគ្រប់កម្មវិធីជួបជុំ។
ពិធីករមុខកូនកាត់ចិន ដែលចេញពីប្រុសស្អាត Freshie លោក យឹម ណារ៉ា បានឲ្យដឹងថា “សម្លៀកបំពាក់ពណ៌ខ្មៅ ជាពណ៌ដែលមិនរើសពណ៌សម្បុរ មិនថា ស ឬ ខ្មៅ គឺអាចពាក់ពណ៌នេះបានគ្រប់គ្នា។ ដូចនេះហើយមនុស្សស្ទើរតែ ៩០ ភាគរយ បាននិយមចូលចិត្តពណ៌ខ្មៅ សូម្បីតែតួកុន Hollywood ក៏ពួកគេបានស្លៀកពាក់ពណ៌ខ្មៅ ក្នុងការជួបជុំ ទទួលពានរង្វាន់ ឬ សម្ពោធរឿងផ្សេងៗដែរ”៕
– ប្រភព CEN
ស្តាប់និងទាញយកបទចំរៀង
- មួយកំហុស បានកើតមាន, បំរែបំរួល អាចខូច។ ព្យាយាមឡើងវិញ ពេលក្រោយ។
ទំព័រស្វែងរកមិត្ត
- មួយកំហុស បានកើតមាន, បំរែបំរួល អាចខូច។ ព្យាយាមឡើងវិញ ពេលក្រោយ។
- ទស្សនា LOYMEN ក្នុង
LOYMEN 