LOYMEN

ចិនសម្រេចផលិតរថយន្តទុយោបូមស៊ីម៉ង់ត៍វែងបំផុត

LOYMEN — Fri, 24 Feb 2012 08:11:28 +0000

ក្រុមហ៊ុនរថយន្តរបស់ចិនម៉ាក SANY បានទទួលនូវសមិទ្ធផលថ្មី មួយក្រោយពីរថយន្តបូមស៊ីម៉ងត៍របស់ខ្លួនប្រើ បំពង់ទុយយោវែងជាងគេបំផុត លើលោក។
បំពង់ទុយយ៉ោនៃរថយន្តបូមស៊ីម៉ង់ត៍នោះមានកម្ពស់ ៨៦,១៧ ម៉ែត្រ។ វាត្រូវបានក្រុមការងារហ្គីណេសផ្តល់កំណត់ត្រាផ្នែកកម្ពស់វែងជាងគេបំផុត កាលពីខែមុននៅខេត្តហៃណានប្រទេសចិននាឱកាសកិច្ចប្រជុំកំពូល ប្រចាំឆ្នាំមួយ។ វាជាសមិទ្ធផលលើកទីបីហើយរបស់ក្រុមហ៊ុន SANY សម្រាប់កំណត់ត្រាពិភពលោករបស់រថយន្តបូមស៊ីម៉ង់ត៍នេះ។
កំណត់ត្រាដំបូងរបស់វាគឺនៅខែតុលាឆ្នាំ២០០៧ ជាមួយបំពង់ទុយយោមានកម្ពស់ ៦៦ ម៉ែត្រ លុះដល់ខែសីហាឆ្នាំ២០០៩ ក្រុមហ៊ុនបានអភិវឌ្ឍដល់កម្ពស់ ៧១,៥៣ ម៉ែត្រ។ ជាទូទៅរថយន្តបូមស៊ីម៉ងត៍នេះត្រូវបានប្រើចំពោះសំណង់ស្ពាន និងអគារខ្ពស់ៗ។
គួរបញ្ជាក់ថា ក្រុមហ៊ុន Tokyo Electric Power របស់ជប៉ុនក៏ធ្លាប់មានបំណងទិញនូវប្រភេទរថយន្តមួយនេះពីចិនដែរ តែក្រុមហ៊ុន SANY ឧបត្ថម្ភវាជំនួសជាអំណោយ ដែលមួយគ្រឿងមានតម្លៃ១លានដុល្លារទៅឲ្យប្រទេសជប៉ុនខណៈមាន វិបត្តិផ្ទុះឧស្ម័ននុយក្លេអែរនោះតែម្តង៕
- ប្រភព ភ្នំពេញប៉ុស្តិ៍

ពិធីរៀបការយកក្របីធ្វើជាភ្ញៀវកិត្តិយស

LOYMEN — Fri, 24 Feb 2012 02:40:17 +0000

មនុស្សម្នាទូទៅតែងតែ រៀបចំពិធីប្តេជ្ញាចិត្តចំពោះអាពាហ៍ពិពាហ៍របស់ពួកគេ ម្តងទៀតតាមរយៈសកម្មភាពដ៏ពិសេសៗ និងស្របតាមប្រពៃណី។សម្រាប់បុរស និងស្ត្រីមកពីតំបន់ Quinlan រដ្ឋតិចសាសនៅសហរដ្ឋអាមេរិកបានយល់យ៉ាងច្បាស់ថា គ្មាននរណាម្នាក់អាចអ្វីឲ្យពិសេសជាងពួកគាត់នោះទេ ខណៈពេលដែលពួកគាត់បានជ្រើសរើសយកសត្វក្របីធ្វើភ្ញៀវដ៏ពិសេសសម្រាប់ការប្តេជ្ញាចិត្តក្នុងពិធីអាពាហ៍ពិពាហ៍របស់ពួកគេសាថ្មី។
កន្លងមកមានរូបភាពមួយបានបង្ហាញលោកRonald និងកូនក្រមុំឈ្មោះ Sherronបានថតរូបនៅពីលើក្របីឈ្មោះ Wildthingរបស់ពួកគេនេះ។ រូបភាពមួយនោះចាត់ទុកថាជារឿងមួយគួរឲ្យចាប់អារម្មណ៍។
កូនកំលោះរូបនេះបានធ្វើជំនួញនៅក្នុងរដ្ឋតិចសាស ហើយលោកមានបទពិសោធន៍យ៉ាងក្រាសក្រែលទាក់ទងនឹងការចិញ្ចឹមសត្វនៅកសិដ្ឋាន។ ដូច្នេះនៅពេលដែលក្របី Wildthingបានកើតនៅឆ្នាំ២០០៥ លោកបានសម្រេចចិត្តចិញ្ចឹមវាហាក់ដូចជាផ្នែកមួយនៃគ្រួសាររបស់គាត់។
នៅពេលក្របីរបស់លោកកាន់តែធំហើយមានរូបរាងកាន់តែស្អាត លោកកាន់តែមានចិត្តស្រលាញ់យ៉ាងខ្លាំង។ តាមការស្រលាញ់ លោកបានធ្វើបន្ទប់មួយដែលជាកន្លែងក្របីរបស់គាត់អាចដេក ស៊ី និងចេញចូលបានយ៉ាងស្រួលនៅក្នុងផ្ទះជាមួយគាត់។ មានពេលតែមួយប៉ុណ្ណោះដែលគាត់មិនអនុញ្ញាតឲ្យក្របីជាទីស្រលាញ់របស់គាត់ស្ថិតនៅក្នុងផ្ទះ ខណះពេលដែលមានភ្ញៀវមកផ្ទះរបស់ពួកគាត់ ពីព្រោះខ្លាចក្របីបង្កហេតុមិនល្អដល់ភ្ញៀវ។
អ្វីដែលពិសេសថែមទៀតនោះលោក Ronald បានឲ្យក្របីជាទីស្រលាញ់របស់គាត់ចូលរូមក្នុងឱកាសរៀបចំពិធីអាពាហ៍ពិពាហ៍របស់គាត់ម្តងទៀតដែលមានភ្ញៀវអញ្ជើញចូលរួមប្រមាណ៤០នាក់។ នៅពេលដែលភ្ញៀវទាំងអស់ចូលរួមក្នុងពិធីនោះ ពួកគាត់មានការភ្ញាក់ផ្អើលយ៉ាងខ្លាំងជាមួយនឹងវត្តមានក្របីរបស់ពួកគេ។
ភ្ញៀវទាំងអស់បានស្ថិតដាច់ដោយឡែកពីក្របី ហើយពួកគេក៏គ្មានប៉ះពាល់ដល់វា ហើយវាក៏គ្មានឆាឆៅដល់ភ្ញៀវទាំងអស់ដែរ។ លោក Ronald បានចាត់ទុកក្របីជាវត្តមានភ្ញៀវម្នាក់ដ៏ពិសេសបំផុត ហើយលោកចងចាំថា គាត់បានជួប្រទាស់ក្របីនេះនៅក្នុងព្រៃដោយចៃដន្យមួយ ហើយមើលទៅពិតជាឈ្លាតវៃណាស់។ លោកក៏បានយកក្របីនេះមកផ្ទះ និងចិញ្ចឹមបីបាច់ថែរក្សារហូតដល់សព្វថ្ងៃ។
លោក Ronald មានប្រសាសន៍ថា Wildthingមើលទៅគួរឲ្យខ្លាច ប៉ុន្តែគេពិតជាស្លូតណាស់។ គាត់ស្រលាញ់វាទុកដូចជាសមាជិកគ្រួសារអីចឹង។ ជួនកាលគាត់យកក្របីរបស់គាត់ទៅលំហែកាយនៅវាលស្មៅ ឲ្យវារត់លេងកម្សាន្ត ហើយគាត់ឈរមើលជាមួយកូនស្រី៕
- ប្រភព កម្ពុជាថ្មី

កម្មវិធីបង្ហាញម៉ូដមួកទាំងអាក្រាត

LOYMEN — Thu, 23 Feb 2012 09:58:43 +0000

នៅក្នុងកម្មវិធីបង្ហាញម៉ូដមួកឯទីក្រុងឡុងដ៍ នារីម៉ូដែលជាងដប់នាក់ កាលពីថ្ងៃអង្គារបានដើរស្រាតននលគក ដោយនៅក្នុងនោះមានទាំងវត្តមាន តារាម៉ូដែលស្រីមានផ្ទៃពោះជិត គ្រប់ខែចំនួន៤នាក់ផងដែរ។
តារាបង្ហាញម៉ូដដ៏ល្បីល្បាញនាង សូហ្វៀ ខាហ៊ីល (Sophia Cahill) ដែលជាអតីតបវរកញ្ញារដ្ឋវែល ក៏មានវត្តមាននៅក្នុងកម្មវិធីបង្ហាញម៉ូដរបស់អ្នកស្រី រ៉ូប៊ីន ខូល (Robyn Coles) ដែលតម្រូវឲ្យស្ត្រីដើរកាច់រាង ទាំងអាក្រាតកាយនេះផងដែរ។
ការបង្ហាញម៉ូដនៅស្ទូឌីយោ វ៉ាយរ៉ាប៊ីត តំបន់សូរីឌីត ភាគខាងកើតទីក្រុងឡុងដ៍ របស់អ្នកស្រី រ៉ូប៊ីន ខូល មានគោលបំណងចង់បង្ហាញទស្សនិកជនពីដងខ្លួនគ្រប់សណ្ឋានរបស់មនុស្ស ហើយអ្នកច្នៃម៉ូដវ័យ៣១ឆ្នាំដ៏ល្បីល្បាញនេះ ចង់អន្ទងអ្នកមកទស្សនាឲ្យបានច្រើន តាមរយៈយុទ្ធសាស្ត្រឲ្យនារីម៉ូដែលដើរស្រាតបង្ហាញម៉ូដកណ្ដាលវាល។
អ្នកស្រី រ៉ូប៊ីន ខូល បានបន្តថា៖ «មួក គឺជាគ្រឿងលម្អដែលអាចពាក់បាន មិនថាចំពោះមនុស្សមានរាងយ៉ាងណានោះទេ»៕
- ប្រភព ភ្នំពេញប៉ុស្តិ៍

សកម្មសិច បង្កើនសម្រស់

LOYMEN — Thu, 23 Feb 2012 05:49:54 +0000

អ្នកជំនាញខាងសិចម្នាក់ បានប្រាប់ឲ្យដឹងថា សកម្មខាងសិចធ្វើមនុស្ស រក្សាភាពវ័យក្មេង ដោយសារកំណើននៃការផលិតសារធាតុ វីតាមីន D នៅក្នុងស្បែក។ លើសពីនេះ ក៏ផ្តល់នូវអត្ថប្រយោជន៍យ៉ាងច្រើនសម្រាប់សុខភាព។
លោក Jennifer Dunkerley អ្នកជំនាញខាងសរសេរអត្ថបទសុខភាព និងសម្រស់ បានផ្តល់ហេតុផល ៩ យ៉ាងសម្រាប់បំនកស្រាយថា តើហេតុអ្វីបានជាមនុស្សយើងគួរមានជីវិតសិចសកម្ម។
១. ធ្វើឲ្យចលនាបេះដូងសកម្ម
សាស្ត្រាចារ្យុ Peter Weisberg ប្រធានវេជ្ជសាស្ត្រ នៃមូលនិធិបេះដូងអង់គ្លេស បានមានប្រសាសន៍ថា ទស្សនៈដែលថា បុរសប្រឈមមុខនឹងគ្រោះថ្នាក់កាន់តែច្រើនចំពោះ ជម្ងឺគាំងបេះដូងក្នុងពេលរួមភេទ គឺជាការយល់ឃើញខុសស្រឡះ។ គ្មានភស្តុតាងណាមួយ បញ្ជាក់ថា បុរសដែលរួមភេទជាប្រចាំក្នុងវ័យខ្ទង់ ពី៣០ឆ្នាំ ទៅ ៥០ឆ្នាំ និងលើសពីនេះ ប្រឈមនឹងការកើនឡើងនៃជម្ងឺគាំងបេះដូងនោះទេ។
២. ការពារមិនឲ្យលិង្គងាប់
ក្រុមអ្នកវិទ្យាសាស្ត្រហ្វាំងឡង់បានរកឃើញថា បុរសដែលរួមភេទយ៉ាងណាស់ ២ ដងក្នុងមួយសប្តាហ៍ មានលទ្ធភាពតិចតួច នឹងមានបញ្ហាលិង្គងាប់ ឬអត់ដំណើរការពេលវ័យកាន់តែចាស់។
៣. ជួយបន្ធូរអារម្មណ៍តានតឹង
សារព័ត៌មាន The Daily Star បានដកស្រង់សម្តីវេជ្ជបណ្ឌិត Irvine Hendrix ដែលនិយាយថា “ដោយសារអារម្មណ៍តានតឹង អាចប៉ះពាល់ដល់កាមតម្រេក (ចំណង់រួមភេទ) ដូច្នេះ យើងចាំបាច់ត្រូវយល់ថា សិចគឺជាអ្នកកាត់បន្ថយអារម្មណ៍តានតឹងបែបធម្មជាតិដ៏ប្រសើរបំផុត”។
ការសិក្សាមួយលើស្ត្រីវ័យកណ្តាលជាង ៥០ នាក់បានរកឃើញថា សិច ឬក៏ការបបោសអង្អែលរាងកាយជាមួយដៃគូ ពិតជាកាត់បន្ថយអារម្មណ៍តានតឹងយ៉ាងច្រើន និងបង្កើតអារម្មណ៍ល្អនៅថ្ងៃបន្ទាប់។
៤. ដុតកម្តៅកាឡូរី
សិច ជាការសកម្មភាពមានអាំងតង់ស៊ីតេទាប ដូច្នេះពេលវេលា និងអាំងតង់ស៊ីតេនៃសកម្មភាពសិចអ្នក នឹងកំណត់ពីចំនួនកាឡូរីដែលបានដុតកម្តៅ។
៥. ជួយបញ្ចេញអរម៉ូនរីករាយ
សិច នឹងជួយបញ្ចេញអរម៉ូន endorphins ដែលធ្វើឲ្យអ្នកមានអារម្មណ៍ល្អ ដូច្នេះអ្នកអាចមានអារម្មណ៍រីករាយអស្ចារ្យក្នុងពេលតែមួយ។
៦. ជួយឲ្យអ្នកមានរាងស្អាត
អ្នកជំនាញ Pamela បាននិយាយថា បើសិនអ្នកចង់ឲ្យមានរូបរាងស្អាត អីចឹងអ្នកត្រូវមានសកម្មភាពរាងកាយឲ្យកាន់តែច្រើន ដូចជាសិចជាដើម។ សិចធ្វើឲ្យមានសកម្មភាពសាច់ដុំជាច្រើន ដូច្នេះវាធ្វើឲ្យអ្នកមានរាងស្អាត។
៧. ការពារផ្ដាសាយ
អ្នកដែលរួមភេទច្រើនជាង ២ ដងក្នុងសប្តាហ៍ នឹងផលិត immuno-globulinប្រភេទ A កាន់តែច្រើន។ immuno-globulin ប្រភេទនេះ គឺជាសារធាតុដែលមាននៅក្នុងទឹកមាត់ ដែលជួយឲ្យប្រព័ន្ធសាំនឹងមេរោគទប់ស្កាត់ជំងឺផ្ដាសាយបាន។
៨. ធ្វើឲ្យអ្នកក្មេងជាងវ័យ
វេជ្ជបណ្ឌិត Eric Braverman អ្នកជំនាញការប្រឆាំងនឹងវ័យចាស់ រៀបរាប់ថា ជីវិតសិចសកម្មអាចជួយអ្នកឲ្យមើលទៅហាក់ដូចជាកាន់តែក្មេង ដោយសារមានកំណើននៃផលិតកម្មវីតាមីន D នៅក្នុងស្បែក។
៩. ជួយឲ្យអ្នកមានអាយុកាន់តែវែង
ការសិក្សានៅប្រទេសវែល បានបង្ហាញថា បុរសដែលរួមភេទតិចក្នុង ១ខែ ប្រឈមនឹងគ្រោះថ្នាក់ទ្វេដងនៃការស្លាប់មុនអាយុ ជាជាងអ្នកដែលរួមភេទ ២ ដងក្នុងមួយសប្តាហ៍៕
- ប្រភព Sabay

ទេសចរណ៍អាក្រាតកាយរងការរិះគន់យ៉ាងខ្លាំងនៅចិន

LOYMEN — Thu, 23 Feb 2012 03:51:01 +0000

គណៈកម្មការគ្រប់គ្រងតំបន់ទេស ចរណ៍ធម្មជាតិនៅខេត្ដហ្សាងដុង បាន លើកឡើងនូវគម្រោងទេសចរណ៍ថ្មី ដែល រងការរិះគន់យ៉ាងខ្លាំងពីគ្រប់មជ្ឈដ្ឋាន នោះគឺទេសចរណ៍អាក្រាតកាយ ។
ស្ដ្រីក្នុងរូបភាពនេះ គឺជាអ្នកទេសចរ ដំបូងគេបង្អស់បានសាកល្បងនូវសេវា កម្មទេសចរណ៍អាក្រាតកាយ ។ នាងធ្វើ ដំណើរលើដងផ្លូវពោរពេញទៅដោយការ អមសងខាងក្នុងព្រៃ ដោយគ្មានអ្វីបិទបាំង រាងកាយនោះឡើយ ។ នាងបានស្រូបយក ខ្យល់អាកាសបរិសុទ្ធតំបន់ព្រៃភ្នំ និង អារម្មណ៍ស្ងប់ស្ងាត់ដើម្បីទទួលបាននូវ អារម្មណ៍ពិតដែលព្រៃឈើហ៊ុមព័ទ្ធនៅ ជុំវិញ ។ ក្រោយរយៈពេល២០នាទីមុជ ទឹកជ្រោះព្រៃភ្នំ នាងមិនអាចរក្សាបាននូវ ភាពសប្បាយរីករាយចូលចិត្ដពីទិដ្ឋភាព ក្នុងដំណើរទេសចរណ៍អាក្រាតកាយ កណ្ដាលព្រៃភ្នំនោះ ។
នាងបានឱ្យដឹងថា “មុជទឹកជ្រោះ កណ្ដាលព្រៃភ្នំពិតជាស្រស់ស្រាយ ហើយ ល្អចំពោះសុខភាព និងបន្ធូរអារម្មណ៍ពី ភាពតានតឹងបានយ៉ាងល្អប្រសើរ ។ រុក្ខជាតិនិងផ្កាធម្មជាតិរីកស្គុះស្គាយបង្ហើរ ក្លិនក្រអូបសាយពាសពេញព្រៃ ។ ពេល ទៅកាន់ទីនោះ យើងមានអារម្មណ៍ដូចជា ឱបធម្មជាតិដ៏ស្រស់បំព្រងនៅក្នុងបេះដូង របស់ខ្លួនអ៊ីចឹងដែរ”។
ប៉ុន្ដែសេវាកម្មទេសចរណ៍អាក្រាត កាយនេះរងការរិះគន់យ៉ាងខ្លាំងពីមហា ជន ដោយគេចាត់ទុកថា វាបានដើរផ្ទុយ ទៅនឹងតម្លៃនៃវប្បធម៌ប្រពៃណីបំផ្លាញ ច្បាប់ទម្លាប់ក្រមសីលធម៌របស់មនុស្ស ។ ទោះបីរងការរិះគន់យ៉ាងខ្លាំងក្លា ប៉ុន្ដែ គណៈកម្មការគ្រប់គ្រងក៏មិនបោះបង់ ចោលគំនិតផ្ដួចផ្ដើមនូវទេសចរណ៍អាក្រាតកាយនោះដែរ ៕
- ប្រភព នគរវត្ត

ប្រជាជនចិនកាន់តែសកម្មនឹងការរួមភេទប្រាសចាកប្រពៃណី

LOYMEN — Thu, 23 Feb 2012 02:08:25 +0000

ចិនបានក្លាយជាប្រទេសមួយ មានភាពទូលំទូលាយខាងសម្ព័ន្ធភាពរួមភេទ ទៅហើយ តាមព្រឹត្តិបត្រចេញផ្សាយឆ្នាំ២០១១ នៃការស្ទាបស្ទង់មតិរបស់ក្រុមហ៊ុន ស្រោមអនាម័យដ៏ធំម៉ាក Durex នៅក្នុងទីក្រុងប៉េកាំង។
ការស្ទាបស្ទង់មតិនោះ បានសាកសួរមនុស្សពេញវ័យ(លើសពី១៨ឆ្នាំ) ចំនួន ២៩០០០នាក់នៅក្នុង ៣៦ ប្រទេស ដែលក្នុងនោះមានជនជាតិ២០៦០នាក់បានចូលរួមនៅក្នុងការឆ្លើយ សំណួរ។
តាមរយៈក្រុមហ៊ុនស្រាវជ្រាវដដែល លទ្ធផលបានឲ្យដឹងថា អាកប្បកិរិយា និងឥរិយាបថរួមភេទរបស់ប្រជាជនចិនមានការផ្លាស់ប្តូរច្រើននៅ អំឡុងប៉ុន្មានឆ្នាំនេះ។ អត្ថបទស្រាវជ្រាវបានបន្តថា មានអត្រាដល់ទៅ ៣៤ ភាគរយឯណោះសម្រាប់មនុស្សចូលចិត្តមានដៃគូរួមរ័ក ច្រើនជាងម្នាក់ ខណៈការស្រាវជ្រាវនៅឆ្នាំ២០០៦ គឺមានអត្រាតែ ២៨ ភាគរយប៉ុណ្ណោះ។ ម្យ៉ាងទៀត មានប្រជាជនចិនតែ ៣០ ភាគរយប៉ុណ្ណោះដែលរួមភេទដោយសារតែសេចក្ដីស្រឡាញ់ ខណៈនៅឆ្នាំ២០០៦ មានអត្រារហូតដល់ទៅ ៥២ ភាគរយ។ ចំណែកទំនោរ «សង្សារតែ១រាត្រី» បានក្លាយជារឿងធម្មតាហើយ។
របាយការណ៍ដដែលបានបញ្ជាក់ថា សង្គមចិន ក៏មិនសូវរើសអើងច្រើនទៅគូស្នេហ៍ដែលស្រឡាញ់ភេទដូចគ្នាដែរ។
ដោយឡែកតាមរយៈអ៊ីនធឺណិត វាក៏ជាប្រភពព័ត៌មានរឿងផ្លូវភេទដែលមិនចេះរីងស្ងួតដែរ គឺអត្រា៥០ភាគរយបានបញ្ជាក់ថា ពួកគេស្វែងយល់ពីរឿងរួមរ័កនេះតាមប្រព័ន្ធអ៊ីនធឺណិតនេះតែម្តង។
លីវ ជុងយី អ្នកសិចវិទូនៃមជ្ឈមណ្ឌលស្រាវជ្រាវអភិវឌ្ឍប្រជាជាតិចិន CDRC បាននិយាយថា៖ «ការស្ទាបស្ទង់មតិនេះ វាមានភាពសុក្រឹត ជាពិសេសអត្រានៃអ្នកប្រើប្រាស់អ៊ីនធឺណិត កាន់តែកើនឡើងពីមួយឆ្នាំទៅមួយឆ្នាំនៅចិន»។
លោក លីវ ជុងយី បានកត់សម្គាល់ថា ៩០ភាគរយនៃព័ត៌មានស្តីពីបញ្ហាផ្លូវភេទតាមអ៊ីនធឺណិតបាន ផ្ទុកនូវសំណុំរឿង ឬ រូបអាសអាភាស ដែលជាហេតុដឹកនាំប្រជាជនចិនមានទំនោរប្រព្រឹត្តខុស និងយល់ច្រឡំពីធាតុពិតនៃការរួមភេទ។
យើងសូមលើកយកបញ្ហារួមរ័កឈានដល់ចំណុចកំពូលមកនិយាយចុះ គឺមានតែអត្រា ១/៤ នៃចំនួនប្រជាជនទេដែលអាចរួមរ័កឈានដល់ចំណុចកំពូលបានតែ វិបសាយសិចទាំងឡាយបានបង្ហោះខ្សែភាពយន្តសិចបង្ហាញពីតួលេខដែល អាចរួមភេទដល់ចំណុចកំពូលជាច្រើនលើកច្រើនសាខុសពីការពិតទាំង ស្រុង។
លោក ឈីង យិន អ្នកនិពន្ធស្ម័គ្រចិត្តស្ដីពីបញ្ហាផ្លូវភេទ និងសម្ព័ន្ធភាពស្នេហ៍នៅទីក្រុងប៉េកាំងបាន និយាយថា៖ «សង្គមចិនបរាជ័យក្នុងការអប់រំមនុស្សអំពីបញ្ហាសុខភាពផ្លូវភេទ»។
មានមនុស្សជាច្រើនប្រើអ៊ីនធឺណិតជាមធ្យោបាយសម្រាប់ការ ណាត់ជួបគ្នា ឬស្វែងរកដៃគូរួមភេទទៀតផង។ ចាប់តាំងពីឆ្នាំ២០០៦ អត្រាយុវវ័យចាប់ផ្ដើមខូចខ្លួនគឺនៅចន្លោះអាយុពី ១៦ដល់ ១៨ ឆ្នាំ។ ក្នុងនោះមានយុវវ័យ ២៥ ភាគរយដែលមិនស្គាល់ប្រវត្តិដៃគូថា មានផ្ទុកមេរោគអ្វីនោះឡើយ ខណៈ៤០ភាគរយទៀតបានឲ្យដឹងថា ពួកគេធ្វេសប្រហែសមិនការពារជំងឺឆ្លងពេលរួមភេទ៕
- ប្រភព ភ្នំពេញប៉ុស្តិ៍

អ្នកគាំទ្រ ឆ័យលីដាឡែន នៅអាមេរិកធ្វើខួបមុនចូលស្រុក

LOYMEN — Wed, 22 Feb 2012 10:55:42 +0000

តារាសម្ដែង និងចម្រៀង កញ្ញា ឆ័យ លីដាឡែន នឹងឡើងយន្តហោះមកកាន់ទឹកដីកម្ពុជាវិញ នៅថ្ងៃទី២៨ ហើយត្រូវមកដល់នៅម៉ោងប្រហែលជា ១០ កន្លះយប់ថ្ងៃទី ២៩ ខែកុម្ភៈ ឆ្នាំ២០១២។ មុននឹងមកដល់ទឹកដីកំណើតតារារូបនេះត្រូវបានប្រជាពលរដ្ឋខ្មែររស់នៅសហរដ្ឋអាមេរិក ធ្វើខួបកំណើតយ៉ាងធំមួយសម្រាប់នាង។
តាមការឲ្យដឹងពីដៃគូរួមអាជីពស្និទ្ធស្នាលបំផុតរបស់ ដាឡែន លោក អេ ឡិច ចន្ទត្រា ប្រាប់ឲ្យដឹងថា នៅក្រោយការសម្ដែងចុងក្រោយរបស់នាងនៅរដ្ឋតិចសាស និងរដ្ឋបូសស្ដុន នៃសហរដ្ឋអាមេរិកចប់ នឹងមានប្រជាពលរដ្ឋខ្មែររស់នៅឯនាយសមុទ្រជាច្រើនរយនាក់ទទួលស្វាគមន៍ និងរៀបចំធ្វើ ខួបកំណើតយ៉ាងធំមួយឲ្យនាង ព្រោះពេលនោះគាប់ ជួននិងថ្ងៃខួបកំណើតរបស់ឆ័យ លីដាឡែនផង។
លោក អេឡិច ចន្ទត្រា បានបញ្ជាក់ប្រាប់តាមពាក្យសម្ដីរបស់ដាឡែននិយាយមកកាន់លោកថា ក្រោយពីមានការគាំទ្រ ព្រមទាំងបាន ធ្វើខួបកំណើតដើម្បីភាពសប្បាយរីករាយរួមគ្នានៅសហរដ្ឋអាមេរិក កញ្ញានឹងមិនបោះបង់អាជីពសិល្បៈចោលនោះទេ នៅពេលកញ្ញាត្រឡប់មកស្រុកខ្មែរវិញ ។ បើទោះបីជារូបនាងមានរឿងរ៉ាវខ្លះៗនៅលើទឹកដីសហរដ្ឋអាមេរិកក៏ដោយក៏នាងនៅបន្ដប្រឡូកក្នុងវិស័យសិល្បៈមិនរាថយឡើយ ព្រោះលោកយល់ថានេះគឺជាបញ្ហារបស់តារាជៀសមិនផុតនៅពេលដែលល្បីខ្លាំង។
លោកបានបន្តថា ” នៅពេលមកដល់ភ្លាមប្រហែលគាត់ត្រូវឡើងសម្ដែងនៅតាមស្ថានីយផ្សេងៗ ហើយនៅចុងខែបីគាត់ត្រូវចេញទៅសម្ដែងជាមួយខ្ញុំ និងរ៉ូលីន(Miss photo city) នៅប្រទេសអូស្ត្រាលី រយៈពេលមួយខែបន្តទៀតតាមការអញ្ជើញពីសមាគមសិល្បៈខ្មែរនៅទីនោះដើម្បីសម្ដែងនៅទីវត្តខ្មែរក្នុងឱកាសបុណ្យចូលឆ្នាំខ្មែរខាងមុខ”។ លោកបានបង្ហើបថា ការមកដល់របស់ដៃគូររួមអាជីពម្នាក់នេះ នឹងមិនប្រាប់មិត្តភ័ក្ដិ និងអ្នកសារព័ត៌មានមកទទួលនាងនោះទេ ព្រោះមិនចង់ឲ្យមានភាពរញ៉េរញ៉ៃនៅពេលនោះ។
កញ្ញា ឆ័យលី ដាឡែន បានចេញពីប្រទេសកម្ពុជា ទៅសម្ដែងនៅលើទឹកដីសហរដ្ឋអាមេរិក កាលពីខែវិច្ឆិកាឆ្នាំ២០១១ ហើយនឹងត្រូវត្រឡប់មកស្រុកខ្មែរវិញនៅថ្ងៃទី២៨ខែកុម្ភៈឆ្នាំ២០១២ខាងមុខនេះ។ នៅក្នុងការសម្ដែងអស់រយៈពេល៣ខែរបស់ កញ្ញាដាឡែន នៅសហរដ្ឋអាមេរិកនាងធ្លាប់បានបង្ហាញភាពស៊ិចស៊ីរបស់នាងធ្វើឲ្យភ្ញាក់ផ្អើលដល់ពិភពសិល្បៈខ្មែរ និងស្ថាប័នពាក់ព័ន្ធដូចជា ក្រសួងវប្បធម៌ និងវិចិត្រសិល្បៈ ព្រមទាំងសមាគមសិល្បករខ្មែរ ជាពិសេសអ្នកគាំទ្រ ទៅលើទង្វើនេះ៕
- ប្រភព Sabay

អត់ស្លៀកខោព្រោះចង់បង្ហាញម៉ាក

LOYMEN — Wed, 22 Feb 2012 07:35:43 +0000

ម៉ាកសំលៀកបំពាក់កីឡា មួយប្រភេទនៅក្នុងទីក្រុងតៃប៉ិ បានផ្សព្វផ្សាយក្នុងព្រឹត្តិការណ៍មួយ ដោយលេងស្ទិលបែបលោកខាងលិច ដោយឲ្យតារាម៉ូដែលរបស់ពួក គេអត់ស្លៀកខោ (No Pants)។
អ្នកប្រតិបត្តិនៅក្នុងក្រុមហ៊ុន ក្នុងស្រុកបានជួល ក្រុមនារីសិចស៊ីមួយក្រុម ឲ្យដើរតាមផ្លូវសាធារណៈ ហាងលក់ទំនិញធំៗ និង ផ្លូវរថភ្លើងក្រោមដីដោយគ្រាន់តែស្លៀកខោក្នុង បង្ហាញម៉ាករបស់គេ។

- ប្រភព Sabay

LOYMEN

ចិន​សម្រេច​ផលិត​រថយន្ត​ទុយោ​បូម​ស៊ីម៉ង់ត៍​វែង​បំផុត

ពិធីរៀបការយក​ក្របី​ធ្វើ​ជា​ភ្ញៀវ​កិត្តិយស

កម្មវិធី​បង្ហាញ​ម៉ូដមួក​ទាំង​អាក្រាត

សកម្ម​សិច​ បង្កើន​សម្រស់

ទេសចរណ៍​អាក្រាត​កាយ​រង​ការ​រិះគន់​យ៉ាង​ខ្លាំង​នៅ​ចិន​

ប្រជាជន​ចិន​កាន់​តែ​សកម្ម​នឹង​ការ​រួម​ភេទ​ប្រាស​ចាក​ប្រពៃណី

អ្នក​គាំទ្រ ឆ័យលី​ដាឡែន​ នៅ​អាមេរិកធ្វើ​ខួប​មុន​ចូល​ស្រុក​

អត់​ស្លៀក​ខោ​​ព្រោះ​ចង់​បង្ហាញ​ម៉ាក