៣០ឆ្នាំលួចបានខោអាវក្នុងស្រី១១០០០កំផ្លេ
ល្បែងកម្សាន្តមួយចំនួន ហាក់ដូចជាចម្លែកពេក ដូចជាបុរសម្នាក់នៅអាមេរិកចូលចិត្តទំនាក់ទំនងជាមួយមនុស្សណាដែលមានឈ្មោះ Smithនៅខាងចុងអស់រយៈពេលជិត៣០ឆ្នាំ។ស្រាប់តែឥឡូវនេះនៅប្រទេសថៃមានបុរសម្នាក់លេងល្បែងកម្សាន្តដ៏ចម្លែកទៀតហើយ បន្ទាប់ពីមានបុរសថៃម្នាក់បានរៀបការជាមួយសពគូដណ្ដឹងរបស់ខ្លួនកាលពីប៉ុន្មានអាទិត្យមុន។
មានបុរសជនជាតិថៃម្នាក់បានប្រមូលឈុតខោក្នុងរបស់ស្រីៗបានប្រមាណ១០០០០គូហើយ។ ការរំពឹងក្នុងចិត្តរបស់បុរសម្នាក់នេះមិនត្រឹមតែឈុតក្នុងរបស់ស្រីៗប៉ុណ្ណោះទេ គាត់ថែមទាំងមានគំនិតដ៏អាក្រក់ចង់បានខ្លួនប្រាណម្ចាស់វាទៀត។ ប៉ូលិសបានឲ្យដឹងថា ពួកគេបានចូលទៅក្នុងអាគារមួយក្នុងតំបន់ Chinatown ក្នុងទីក្រុងបាងកកដែលជាកន្លែងចោរកំហួចលួចសុទ្ធតែខោអាវក្នុងស្រីៗ ដោយមានអ្នកសមគំនិតម្នាក់ផង។
នៅពេលពួកប៉ូលិសចែកឆែនៅក្នុងផ្ទះរបស់គាត់ ពួកគេមានការភ្ញាក់ផ្អើលយ៉ាងខ្លាំងដោយពួកគេបានឃើញប្រាក់ គ្រឿងអលង្ការ និងជាពិសេសឈុតគ្រឿងក្នុងរបស់ស្រីៗចំនួន១០០០០គូទៀតផង។ លើសពីនេះទៀតមានចំនួន១០០០គូទៀតនៅក្នុងយានយន្តរបស់គាត់។
លោកចោរកំហួចលួចសុទ្ធតែខោអាវក្នុងស្រីៗរូបនេះបានសារភាពថា តាមពិតគាត់បានលួចខោអាវក្នុងស្រីៗតាំងពីគាត់មានអាយុ១៨ឆ្នាំ។ ឥឡូវនេះគាត់មានអាយុ៤៨ឆ្នាំហើយ ដូច្នេះមានន័យថា គាត់បានក្លាយជាចោរលួចខោអាវក្នុងស្រីៗអស់រយៈពេល៣០ឆ្នាំទៅហើយ។
សំណាងល្អ ពួកប៉ូលិសចាប់ខ្លួនគាត់សង្កត់ខ្លួនទៅលើដីតែប៉ុណ្ណោះទេ ពីព្រោះគ្មានស្ត្រីណាម្នាក់រាយការណ៍ថា បាត់បង់ឈុតគ្រឿងក្នុងឡើយ។ ប្រហែលជាប្រការនេះគ្មានស្ត្រីម្នាក់ហានចេញមុខថា ខ្លួនបាត់ខោអាវក្នុងរបស់ខ្លួនហើយមើលទៅ៕
- ប្រភព កម្ពុជាថ្មី
mej kor chom lek chom lenk mles nor!!
haha
បើជ្រុលហើយ ម៉េចក៏មិនរំលោភគេឲ្យគ្រប់១០០០នាក់តាហ្មងទៅ គង់តែជាប់ឯកត្តកម្មដូចគ្នាសោះហ្នឹ!
hehe