ព្រីម លីហ្សា ប្រកាស រកម្ចាស់បេះដូង
តារាស្រី ដែលជាប់ចំណាត់ថ្នាក់ ជាស្រីសិចស៊ី សម្ញែងដើមទ្រូង គឺកញ្ញា ព្រីម លីហ្សា បានចេញមុខប្រកាស រកម្ចាស់បេះដូង ស្របពេល ដែលទើបតែលេចឮ ពាក្យចចាមអារ៉ាមថា នាងបានទទួលកាដូផ្ទះ ២ល្វែង ពីបុរសអ្នកមានម្នាក់ ក្នុងថ្ងៃខួបកំណើតរបស់នាង នាចុងខែធ្នូ ឆ្នាំ២០១២ កន្លងទៅនេះ។
តារាស្រីស៊ិចស៊ី កញ្ញា ព្រីម លីហ្សា បានប្រាប់មជ្ឈមណ្ឌលព័ត៌មាន ដើមអម្ពិល តាមទូរស័ព្ទថា នាពេលកន្លងមក នាងធ្លាប់បានចេញមុខ បកស្រាយ រួចហើយថា ផ្ទះល្វែងដែលនាង កំពុងតែធ្វើការជួសជុល និងរស់នៅរាល់ថ្ងៃនេះ មិនមែនជាកាដូ របស់អ្នកណាទាំងអស់ ហើយក៏គ្មានអ្នកណា ទិញផ្ទះ ឲ្យនោះឲ្យនាងដែរ ការពិតផ្ទះទាំងពីរល្វែងនោះ គឺជាផ្ទះរបស់គ្រួសារនាង ហើយនាងក៏មិនបានទទួលកាដូ ខ្ទង់ម៉ឺនដុល្លារពីអ្នកណា នៅក្នុងថ្ងៃខួប កំណើតរបស់នាងដែរ។
ស្រីស្រស់សម្បុរស វ័យ ១៩ឆ្នាំរូបនេះ ក៏បានបង្ហើបថា ពេលនេះ កំពុងតែស្វែងរកម្ចាស់បេះដូងម្នាក់ «នាពេលកន្លងមក មានមហាជនច្រើនគិតថា ខ្ញុំមានគូស្នេហ៍ ជាអ្នកឧបត្ថម្ភនេះ ឧបត្ថម្ភនោះ ប៉ុន្តែវាមិនមែនជាការពិតនោះទេ ហើយឆ្លៀតពេលនេះនាងខ្ញុំ ក៏ចង់ប្រកាសរកម្ចាស់បេះដូងម្នាក់ ហើយលក្ខណៈសម្បតិ្តបុរសនោះ ខ្ញុំមិនប្រាថ្នាអីច្រើនទេ គឺចង់បានត្រឹមតែ មានចិត្តស្រឡាញ់ខ្ញុំ និងគ្រួសារ ចេះជួយគ្នាទៅវិញទៅមក ហើយអ្វីដែល សំខាន់នោះ គឺបុរសម្នាក់នោះ ត្រូវមានលក្ខណៈសម្បត្តិ អាចចូលចំណោមគេចុះ និងមានលុយ ឲ្យខ្ញុំចាយរាល់ថ្ងៃទៅបានហើយ»។
កញ្ញា លីហ្សា បានបន្ថែមទៀតថា មូលហេតុ ដែលនាងចេញមុខប្រកាស រកម្ចាស់បេះដូងបែបនេះ ដោយសារតែនាង មិនចង់ឲ្យមានពាក្យ ចចាម អារ៉ាមថា នាងមានអ្នកនេះ អ្នកនោះជាអ្នក ជួយឧបត្ថម្ភនោះឡើយ ប្រសិនបើនាងមានគូស្នេហ៍មែន នាងនឹងបើកចំហ និងមិនលាក់លៀមនោះទេ ហើយមួយវិញទៀតនោះ នាងក៏មិនចង់ឲ្យមហាជន យល់ច្រឡំ ឬក៏រិះគន់នាងបន្តទៀតដែរ៕
- ប្រភព គេហទំព័រ ដើមអំពិល
oy neang trov ka beb na tov nor penth me ban ort nor
ot deng te ! sak meul tov
លោកអើយ!
បាទ ! រកលោកធ្វើអី ??
តើដារាសំដែងខ្មែរប៉ុន្មាននាក់ដែលមិនស៊ិចស៊ី….
សិចស៊ីអញ្ចឹងហើយ ទើបឆាប់ល្បី…